નવીન સી. ચતુર્વેદીની ગુજરાતી ગઝલો: સહુ વિધાનોમાં ફકત એકજ વિષયની વાત છે

સહુ વિધાનોમાં ફકત એકજ વિષયની વાત છે

અંતમાં બેઠો છે જે તેના ઉદયની વાત છે

બારણા ખુલ્લા મળે હૈયાઓ પણ ખુલ્લા મળે
આ કોઈ સતયુગ નહીં મારા સમયની વાત છે

આપણું કલચર બધા કોપી કરે તો શું જફા
આ પરાજયની નહીં આ તો વિજયની વાત છે

સુખ, સમૃદ્ધિ, શાંતિ, સમરસતા રહે સંસારમાં
એજ તો મારા તમારા વાંગ’મયની વાત છે

એક ટીપું પ્રેમને બદલે નદી અર્પણ કરીશ
આ કોઈ જુમલો નથી મારા હૃદયની વાત છે